Google+ 新娘造型彩妝師 0930-001031: 走過四叔大地

2013年4月25日 星期四

走過四叔大地

走過四叔大地

土盟搞「走過四叔大地」東北行
走過四叔大地

恒基地產主席李兆基(四叔)捐出農地興建100萬元「青年版居屋」消息,近日傳得恰恰,有消息仲話,政務司長林鄭月娥已從四叔提供名單,揀7幅位於新界東北土地。土地正義聯盟同環保觸覺覺得,發展商過去新界收地,已令唔少農民無地可耕,政府如果接受捐地起住宅,影響深遠。為表達反對聲音,土盟話要呢個周日搞番場「走過四叔大地」之行。

土盟話,呢場 「走過四叔大地」之行,要行成9個鐘,佢地會由上晝8點半開始,同公眾走過坪輋、粉嶺北同古洞「人間仙境」,佢估計唔少地方都係發展商囤地位置喎。不過,佢又笑住咁話,可能未必全部地方準確,因為唔少地係由所謂艇仔公司代收,但估中機會都高。


行9個鐘反對建住宅

至於點解捐地會影響深遠,土盟話,正如網民咁講,今次捐地係「四叔出豉油,政府出雞」,要起樓,就要有道路、社區配套,估計最後都係政府包辦,結果,起好晒交通配套,附近地就自然會升值。


環保觸覺主席譚凱邦話,發展商一邊收地,另一邊就捐地,其實都係破壞緊其他村民家園,做法相當令人質疑咁話。四叔捐地都被人質疑,唔知有咩感想。

沒有留言:

張貼留言